॥ धन्वन्तरिस्तोत्रं ॥
ओं नमो भगवते धन्वन्तरये अमृतकलशहस्ताय,
सर्वामयविनाशनाय, त्रैलोक्यनाथाय श्रीमहाविष्णवे नमः ॥
चन्द्रौघकान्तिममृतोरुकरैर्जगन्ति
सञ्जीवयन्तममितात्मसुखं परेशं ।
ज्ञानं सुधाकलशमेव च सन्दधानं
शीतांशुमण्डलगतं स्मरतात्मसंस्थं ॥
मूर्ध्नि स्थितादमुत एव सुधां स्रवन्तीं
भ्रूमध्यगाच्च तत एव च तानुसंस्थात् ।
हार्दाच्च नाभिसदनादधरस्थिताच्च
ध्यात्वाभिपूरिततनुः दुरितं निहन्यात् ॥
अज्ञान-दुःख-भय-रोग-महाविषाणि
योगोऽयमाशु विनिहन्ति सुखं च दद्यात् ।
उन्माद-विभ्रमहरः हरतश्च सान्द्र-
मानन्दमेव पदमापयति स्म नित्यं ॥
ध्यात्वैव हस्ततलगं स्वमृतं स्रवन्तं
एवं स यस्य शिरसि स्वकरं निधाय ।
आवर्तयेन्मनुमिमं स च वीतरोगः
पापादपैति मनसा यदि भक्तिनम्रः ॥
धं धन्वन्तरये नमः ॥
धं धन्वन्तरये नमः ॥
धं धन्वन्तरये नमः ॥
दीर्घ-पीवर-दोर्दण्डः कंबुग्रीवोऽरुणेक्षणः ।
श्यामलस्तरुणः स्रग्वी सर्वाभरणभूषितः ॥
पीतवासा महोरस्कः, सुमृष्टमणिकुण्डलः ।
नीलकुञ्चितकेशान्तः, सुभगः सिंहविक्रमः ॥
( var स्निग्धकुञ्चित )Bhagavatam 8.8.34
अमृतस्य पूर्णंकलशं बिभ्रद्वलयभूषितः।
स वै भगवतः साक्षाद् विष्णोरंशांशसंभवः ।
धन्वन्तरिरिति ख्यातः आयुर्वेददृगित्यभाक् ।
एवं धन्वन्तरिं ध्यायेत् साधकोऽभीष्टसिद्धये ॥
ओं नमो भगवते धन्वन्तरये अमृतकलशहस्ताय,
सर्वामयविनाशनाय, त्रैलोक्यनाथाय श्रीमहाविष्णवे नमः ॥
धन्वन्तरिङ्गरुचिधन्वन्तरेरितरुधन्वंस्तरीभवसुधा
धान्वन्तरावसथमन्वन्तराधिकृतधन्वन्तरौषधनिधे ।
धन्वन्तरंगशुगुधन्वन्तमायिषु वितन्वन् ममाब्धितनय
सून्वन्ततात्मकृततन्वन्तरावयवतन्वन्तरार्तिजलधौ ॥
धन्वन्तरिश्च भगवान्स्वयमास देवो (var स्वयेमेव कीर्तिः)
नाम्ना नृणां पुरुरुजां रुज आशु हन्ति ।
यज्ञे च भागममृतायुरवाप चार्धा (var रवावरुन्ध)
आयुष्यवेदमनुशास्त्यवतीर्य लोके ॥
Bhagavatam 2.7.21
क्षीरोदमथनोद्भूतं दिव्यगन्धानुलेपिनं ।
सुधाकलशहस्तं तं वन्दे धन्वन्तरिं हरिं ॥
शरीरे जर्जरीभूते व्याधिग्रस्ते कलेवरे ।
औषधं जाह्नवीतोयं वैद्यो नारायणो हरिः ॥
अयं मे हस्तो भगवानयं मे भगवत्तरः ।
अयं मे विश्वभेषजोऽयं शिवाभिमर्षणः ॥
अच्युतानन्त-गोविन्द-विष्णो नारायणामृत ।
रोगान्मे नाशयाशेषान् आशु धन्वन्तरे हरे ॥
धं धन्वन्तरये नमः ॥
धं धन्वन्तरये नमः ॥
धं धन्वन्तरये नमः ॥
ओं नमो भगवते धन्वन्तरये अमृतकलशहस्ताय,
सर्वामयविनाशनाय, त्रैलोक्यनाथाय श्रीमहाविष्णवे नमः ॥
इति धन्वन्तरिस्तोत्रं सम्पूर्णं ।
॥ ധന്വന്തരിസ്തോത്രം ॥
ഓം നമോ ഭഗവതേ ധന്വന്തരയേ അമൃതകലശഹസ്തായ,
സര്വാമയവിനാശനായ, ത്രൈലോക്യനാഥായ ശ്രീമഹാവിഷ്ണവേ നമഃ ॥
ചന്ദ്രൌഘകാന്തിമമൃതോരുകരൈര്ജഗന്തി
സഞ്ജീവയന്തമമിതാത്മസുഖം പരേശം ।
ജ്ഞാനം സുധാകലശമേവ ച സന്ദധാനം
ശീതാംശുമണ്ഡലഗതം സ്മരതാത്മസംസ്ഥം ॥
മൂര്ധ്നി സ്ഥിതാദമുത ഏവ സുധാം സ്രവന്തീം
ഭ്രൂമധ്യഗാച്ച തത ഏവ ച താനുസംസ്ഥാത് ।
ഹാര്ദാച്ച നാഭിസദനാദധരസ്ഥിതാച്ച
ധ്യാത്വാഭിപൂരിതതനുഃ ദുരിതം നിഹന്യാത് ॥
അജ്ഞാന-ദുഃഖ-ഭയ-രോഗ-മഹാവിഷാണി
യോഗോഽയമാശു വിനിഹന്തി സുഖം ച ദദ്യാത് ।
ഉന്മാദ-വിഭ്രമഹരഃ ഹരതശ്ച സാന്ദ്ര-
മാനന്ദമേവ പദമാപയതി സ്മ നിത്യം ॥
ധ്യാത്വൈവ ഹസ്തതലഗം സ്വമൃതം സ്രവന്തം
ഏവം സ യസ്യ ശിരസി സ്വകരം നിധായ ।
ആവര്തയേന്മനുമിമം സ ച വീതരോഗഃ
പാപാദപൈതി മനസാ യദി ഭക്തിനംരഃ ॥
ധം ധന്വന്തരയേ നമഃ ॥
ധം ധന്വന്തരയേ നമഃ ॥
ധം ധന്വന്തരയേ നമഃ ॥
ദീര്ഘ-പീവര-ദോര്ദണ്ഡഃ, കംബുഗ്രീവോഽരുണേക്ഷണഃ ।
ശ്യാമലസ്തരുണഃ സ്രഗ്വീ സര്വാഭരണഭൂഷിതഃ ॥
പീതവാസാ മഹോരസ്കഃ, സുമൃഷ്ടമണികുണ്ഡലഃ ।
നീലകുഞ്ചിതകേശാന്തഃ, സുഭഗഃ സിംഹവിക്രമഃ ॥
( var സ്നിഗ്ധകുഞ്ചിത) Bhagavatam 8.8.34
അമൃതസ്യ പൂര്ണകലശം ബിഭ്രദ്വലയഭൂഷിതഃ।
സ വൈ ഭഗവതഃ സാക്ഷാദ് വിഷ്ണോരംശാംശസംഭവഃ ।
ധന്വന്തരിരിതി ഖ്യാതഃ ആയുര്വേദദൃഗിത്യഭാക് ।
ഏവം ധന്വന്തരിം ധ്യായേത് സാധകോഽഭീഷ്ടസിദ്ധയേ ॥
ഓം നമോ ഭഗവതേ ധന്വന്തരയേ അമൃതകലശഹസ്തായ,
സര്വാമയവിനാശനായ, ത്രൈലോക്യനാഥായ ശ്രീമഹാവിഷ്ണവേ നമഃ ॥
ധന്വന്തരിങ്ഗരുചിധന്വന്തരേരിതരുധന്വംസ്തരീഭവസുധാ
ധാന്വന്തരാവസഥമന്വന്തരാധികൃതധന്വന്തരൌഷധനിധേ ।
ധന്വന്തരംഗശുഗുധന്വന്തമായിഷു വിതന്വന് മമാബ്ധിതനയ
സൂന്വന്തതാത്മകൃതതന്വന്തരാവയവതന്വന്തരാര്തിജലധൌ ॥
ധന്വന്തരിശ്ച ഭഗവാന് സ്വയമാസ ദേവോ var സ്വയേമേവ കീര്തിഃ
നാംനാ നൃണാം പുരുരുജാം രുജ ആശു ഹന്തി ।
യജ്ഞേ ച ഭാഗമമൃതായുരവാപ ചാര്ധാ var രവാവരുന്ധ
ആയുഷ്യവേദമനുശാസ്ത്യവതീര്യ ലോകേ ॥
Bhagavatam 2.7.21
ക്ഷീരോദമഥനോദ്ഭൂതം ദിവ്യഗന്ധാനുലേപിനം ।
സുധാകലശഹസ്തം തം വന്ദേ ധന്വന്തരിം ഹരിം ॥
ശരീരേ ജര്ജരീഭൂതേ വ്യാധിഗ്രസ്തേ കലേവരേ ।
ഔഷധം ജാഹ്നവീതോയം വൈദ്യോ നാരായണോ ഹരിഃ ॥
അയം മേ ഹസ്തോ ഭഗവാന് അയം മേ ഭഗവത്തരഃ ।
അയം മേ വിശ്വഭേഷജോഽയം ശിവാഭിമര്ഷണഃ ॥
അച്യുതാനന്ത-ഗോവിന്ദ-വിഷ്ണോ നാരായണാമൃത ।
രോഗാന്മേ നാശയാശേഷാന് ആശു ധന്വന്തരേ ഹരേ ॥
ധം ധന്വന്തരയേ നമഃ ॥
ധം ധന്വന്തരയേ നമഃ ॥
ധം ധന്വന്തരയേ നമഃ ॥
ഓം നമോ ഭഗവതേ ധന്വന്തരയേ അമൃതകലശഹസ്തായ,
സര്വാമയവിനാശനായ, ത്രൈലോക്യനാഥായ ശ്രീമഹാവിഷ്ണവേ നമഃ ॥
ഇതി ധന്വന്തരിസ്തോത്രം സമ്പൂര്ണം ।
No comments:
Post a Comment